MSU Chawngte thuchhuah in a tarlan danin, Education lecturer hi September ni 1, 2023 khan a pension a, a pension tawh hnuah sorkarin a aiawh tur an dah mai loh avangin a mimal thahnem ngaihnain hlawh pawh phut miah lovin HSSLC exam hma zawng a thawk char char a, a chungah pawh kan lawm hle a ni, an ti.

MSU chuan Economics lecturer hi taksa lama harsatna a neih avangin  October ni 1, 2023 khan Govt. Zemabawk Higher Secondary School, Aizawl ah transfer a ni a, a aiawh dah a la nilo an ti.

MSU chuan, “Education leh Economics lecturer kan neih loh avang hian zirlai ten harsatna an tawk nasa em em a, an result pawhin a tawrh phah a. Zirlaite harsatna tawh hi MSU Headquarters, Chawngte chuan a hriatthiampui hle a, chuvangin tahrik ni 04.06.2024 ral hma ngeiin Education leh Economics lecturer dah turin sorkhar kan ngen a, kan ngenna te tihhlawhtlin a nih loh chuan School education department in school tan hun tura a ruat tahrik ni 05.06.2024 hian Kamalanagar Higher Secondary School zirlaite chuan school tan ve loh mai nise kan ti”, tiin an thuchhuah ah an tarlang.